rahiye ab aisii jagah chalakar jahaa.N koii na ho...

rahiye ab aisii jagah chalakar jahaa.N koii na ho 
hamasuKhan koii na ho aur hamazabaa.N koii na ho

bedar-o-diivaar saa ik ghar banaayaa chaahiye 
koii hamasaayaa na ho aur paasabaa.N koii na ho 

pa.Diye gar biimaar to koii na ho tiimaaradaar 
aur agar mar jaaiiye to nauhaa_Khvaa.N koii na ho

Mirza Galib Shayari

Dard ke phool bhi khilte hai ...

Dard ke phool bhi khilte hai bikhar jaate hai,
ZaKhm kaise bhi ho kuch roz mein bhar jaate hai,

Us dariche mein bhi ab koi nahi aur hum bhi,
Sar jhukaye huye chup chaap guzar jaate hai,

Raasta roke khaDi hai yahi ulajhan kab se,
Koi poochhe to kahe kya ki kidhar jaate hai,

Naram awaaz bhali baatein mohazzab lahaje,
Pahli baarish mein hi ye rang utar jaate hai